МВФ трывожыцца з-за павышэння заробкаў у Беларусі
На думку экспертаў Міжнароднага валютнага фонду, яно часткова ажыццяўляецца за кошт эмісіі.
Пра гэта паведаміў старшыня праўлення Беларускага саюзу прадпрымальнікаў і наймальнікаў імя Куняўскага Георгій Бадзей на паседжанні Рэспубліканскага клуба дырэктараў. Як перадае interfax.by, напярэдадні эксперты місіі МВФ сустракаліся з прадстаўнікамі беларускага бізнэсу ў Мінску.
Па словах Бадзея, беларускія бізнэсоўцы хочуць мець рэальныя заробкі, а не тыя, што забяспечваюцца за кошт друкавальнага станка. Прадстаўнікі МВФ выказалі згоду з гэтай пазіцыяй беларускага бізнэсу.
Фота — regionby.org
