На Палессі паводка — болей за паўтысячы падворкаў падтопленыя
Ад разліву рэк і раставання снегу церпяць вёскі і дачныя пасёлкі на Гомельшчыне і Брэстчыне.
Паводле звестак МНС на 7 красавіка, вада з Прыпяці, Гарыні, Простыры і Узы падтапіла 4 жылыя дамы, 247 падворкаў, 153 гаспадарчыя пабудовы, 11 дачных дамоў і 3 участкі дарог.
Талыя воды ў сваю чаргу падтапілі на Палессі 7 жылых дамоў, 49 падворкаў, 51 гаспадарчую пабудову і адзін дачны дом.
Жыццезабеспячэнне населеных пунктаў не парушанае, вядзецца маніторынг паводкавай сітуацыі, перадае БелаПАН.
