Назіральнікі АБСЕ пакуль застаюцца "бяздомнымі"
Місія БДІПЧ АБСЕ пакуль не знайшла ў Мінску памяшканне пад офіс.
Пра гэта паведаміў кіраўнік місіі назіральнікаў за парламенцкімі выбарамі ў Беларусі Антоніа Мілашоскі на прэс-канферэнцыі ў сераду. Ён адзначыў, што пра гэта паінфармаваныя беларускія Цэнтравыбаркам і Міністэрства замежных справаў, перадае interfax.by. Па словах кіраўніка назіральнікаў, новапрызначаны міністр Уладзімір Макей абяцаў зрабіць усё магчымае, каб вырашыць пытанне.
Мілашоскі таксама адзначыў, што місія БДІПЧ АБСЕ на папярэдніх выбарах у Беларусі супрацоўнічала з беларускімі дзяржорганамі, і хацела б працягнуць пазітыўныя адносіны ў бліжэйшыя тыдні да выбараў.
Фота — gazetaby.com
