Падчас землятрусу ў Італіі знішчаныя запасы сыра на 250 млн еўра
Больш за 300 тысяч кругоў сыра пармезан і грана падана загінулі ў правінцыі Эмілія-Раман'я на поўначы краіны.
Як паведамляе РІА "Новости", падчас землятрусу былі моцна пашкоджаныя склады, дзе захоўваўся сыр.
Нагадаем, у выніку землятрусу (падземныя штуршкі дасягалі 6 балаў) загінулі 6 чалавек, пацярпелі яшчэ 50 мясцовых жыхароў, каля 3 тысяч чалавек былі эвакуяваныя. У гарадах Эміліі-Раман'і былі разбураныя многія будынкі.
