Пракуратура не знайшла небяспекі ў збіцці Сяргея Андросенкі
Ён прасіў пачаць крымінальную справу на міліцыянтаў. У адказе гаворыцца, што грамадска небяспечнай дзеі пракуратура не выявіла.
Андросенку затрымалі на "маўклівай акцыі" 15 чэрвеня і збілі. На наступны дзень Андросенка падаў заяву ў пракуратуру. Да заявы ён прыклаў відэа, на якім відаць, як яго збіваў спецназавец. Тамсама былі фотаздымкі Андросенкі на выхадзе з пастарунку са слядамі збіцця на твары.
Па словах Андросенкі, яму таксама пагражалі, што складуць пратакол, быццам ён быў п'яны і мацюкаўся.
