"Рэвалюцыя праз сацыяльныя сеткі" абяцае вярнуцца ў сярэдзіне верасня
Масавая акцыя пратэсту пройдзе 14 ці 21 верасня, паведамляюць арганізатары "маўклівых рэвалюцый" ў сацыяльнай сетцы "Укантакце".
Пэўнасці ў арганізатараў пакуль няма. Месца правядзення таксама не вызначана, піша "Наша Ніва". Нагадаю, што акцыі "Рэвалюцыя праз сацыяльныя сеткі" праходзілі ў Беларусі з чэрвеня па ліпень, кожную сераду. Людзі збіраліся на цэнтральных плошчах сваіх гарадоў, каб моўчыкі ці праз апладысменты выказаць сваю нязгоду з дзяржаўнай палітыкай. Некаторыя акцыі ў Мінску збіралі да 5 тысяч чалавек.
