Шварцэнберг: ЕС прыняў рашэнне пра санкцыі супраць беларускага рэжыму
У дачыненні да афіцыйнага Мінску ЕС увядзе санкцыі. Пра гэта падчас візіту ў Маскву заявіў кіраўнік МЗС Чэхіі Карэл Шварцэнберг.
Ён адзначыў, што сам з'яўляецца праціўнікам эканамічных санкцый у дачыненні да беларускага рэжыму пасля падзеяў 19 снежня 2010 года, адзначае "Беларускі партызан".
Тым не менш, па словах Шварцэнберга, рашэнне пра санкцыі вельмі сур'ёзнае.
Ён адзначыў: прадстаўнікі некаторых краін лічаць, што трэба ўводзіць эканамічныя санкцыі так, каб яны закраналі большую колькасць сфераў грамадства. Сам Шварцэнберг мяркуе, што санкцыі павінны датычыць толькі прадстаўнікоў рэжыму. У прыватнасці, міліцыянтаў, якія б'юць людзей, суддзяў, якія іх судзяць, і тых, хто парушае правы на ўсіх узроўнях.
Фота: news.zn.ua
