Старшыня Еўрапарламента асудзіў разгон "маўклівай акцыі"
Ежы Бузэк сёння асудзіў разгон “маўклівага пратэсту” ў Мінску 22 чэрвеня. Ён запатрабаваў вызваліць усіх затрыманых.
Па словах Бузэка, якія перадае Радыё "Свабода", сапраўдныя лідэры прыслухоўваюцца да голасу свайго народу, а дыктатары знявольваюць яго за слушныя патрабаванні. Старшыня Еўрапарламента лічыць, што змены непазбежна прыйдуць у Беларусь, як яны прыйшлі ў Паўночную Афрыку.
Бузэк таксама прывітаў рашэнне міністраў замежных спраў Еўрасаюзу ўвесці мэтавыя санкцыі супраць дзяржаўных прадпрыемстваў, звязаных з беларускім рэжымам.
