Тамару Сідарэнку пазбавілі адвакацкай ліцэнзіі
Яна сёмая адвакатка ўдзельнікаў "справы 19 снежня", у якой забралі ліцэнзію.
Адпаведнае рашэнне зацвердзіла калегія Міністэрства юстыцыі 30 жніўня. Афіцыйныя тлумачэнне, чаму спынілі ліцэнзію, пакуль невядомыя, адзначае праваабарончы сайт "Вясна".
Тамара Сідарэнка працавала адвакаткай з 1978 года. Яна абараняла экс-кандыдата ў прэзідэнты Уладзіміра Някляева. А таксама была адвакаткай Алеся Міхалевіча.
Раней былі пазбаўленыя ліцэнзіі адвакаты Уладзімір Тоўсцік і Тамара Гараева, Алег Агееў, яго жонка адвакатка З.Залеўская, Таццяна Агеева, Павел Сапелка.
