У Гомелі прайшоў “сціснуты” велапрабег (фота)
Ён быў прысвечаны Дню без аўтамабіля і распачаўся а 18.00 22 верасня.
Каля 40 раварыстаў праехалі па невялікім маршруце ў суправаджэнні машыны ДАІ. Маршрут пралягаў па вуліцы Савецкай ад плошчы Леніна да плошчы Паўстання.
Мінакі і аўтааматары, пераважна таксісты, спыняліся, каб зірнуць на майстар-клас па фігурным кіраванні роварам. Яго зладзілі на фінальнай кропцы прабега — плошчы Паўстання. А некаторыя гамяльчане, што былі на сваіх роварах, нават далучаліся да акцыі.
