У Гродна пададзена заяўка на пікет 26 красавіка
Месцам правядзення пікету абраны парк Жылібера, які прадугледжаны Гарадзенскім гарвыканкамам для правядзення падобных акцый.
Пра гэта паведаміў кіраўнік гарадской арганізацыі Партыі БНФ Вадзім Саранчукоў, які сёння падаў заяўку ў Гродзенскі гарвыканкам.
Ён сказаў, што сёлета тэма чарнобыльскай трагедыі, якая адбылася 25 гадоў таму, як ніколі актуальная. Асабліва ўлічваючы падзеі, якія адбыліся на японскай атамнай станцыі, і намер беларускіх уладаў збудаваць АЭС у Астравецкім раёне, паведамляе Радыё Свабода.
