У Магілёве на пешаходным пераходзе "Опель" збіў сем чалавек
Адна маладая жанчына загінула. Астатнія трапілі ў бальніцу.
Здарэнне адбылося каля прыпынку “вуліца Залуцкага”. Жанчына сярэдняга ўзросту на “Опелі” спрабавала праскочыць на чырвонае святло светлафора. На вялікай хуткасці яна збіла сем чалавек і зачапіла яшчэ адзін аўтамабіль.
Яе машына прыпынілася толькі праз сто метраў ад светлафору. У выніку аварыі ўтварыўся велізарны затор. Сама ініцыятарка аварыі не пацярпела.
