У Магілёве асуджаныя ўдзельнікі акцыі салідарнасці
Суд Ленінскага раёна Магілёва сёння пакараў удзельнікаў "несанкцыянаванага пікета" адміністратыўнымі арыштамі.
Разгледзеўшы адміністратыўную справу трох удзельнікаў акцыі салідарнасці, якая адбылася ў Магілёве 16 студзеня, суд прызнаў іх вінаватымі. Сябра Партыі БНФ Валянцін Лабачоў асуджаны на 7 сутак адміністратыўнага арышту, Сяргей Нагацін — на 5 сутак. Беспартыйная Наталля Шкадун пазбегла арышту як шматдзетная маці, атрымаўшы папярэджанне за ўдзел у "несанкцыянаваным пікеце", паведамляе Радыё "Свабода".
Фота: stihi.ru
