У Мінску злавілі злодзеяў, якія кралі краткі ў парку Перамогі
Крымінальную справу супраць 26-гадовага мінчука і 38-гадовага бяздомнага расследуе Следчы камітэт.
Як паведамляе БелаПАН, мужчынаў вінавацяць у тым, што сёлета ў красавіку—траўні яны па начах выкрадалі дарагія дэкаратыўныя краткі з фантана ў парку Перамогі на Камсамольскім возеры. Самі краткі былі вырабленыя з каляровых металаў.
Агулам яны скралі 15 прадметаў, яшчэ 3 краткі зламыснікі вынесці не паспелі. Агульны кошт выкрадзенай маёмасці складае больш за 62 мільёны рублёў.
Падазроных асобаў следчыя затрымалі. Таксама яны выявілі таго, хто скупляў крадзеныя краткі.
Фота — holiday.by
