У Пінску адбыўся паказальны суд над электрыкамі
Выязное паседжанне гарадскога суда прайшло ў Пінску на базе мясцовага прадпрыемства электрасетак.
Як паведамляе газета “Вечерний Брест”, два супрацоўнікі гэтага прадпрыемства скралі з шасці трансфарматарных падстанцый медныя кантактныя групы. Шкода прычыненая імі ацэньваецца больш як у пяць з паловай мільёнаў рублёў. Суд улічыў раскаянне зламыснікаў і прысудзіў ім па году папраўчых працаў.
