Удзельнікаў антыядзернага пікету аштрафавалі
У судзе Фрунзенскага раёна Мінска вынесеныя прысуды удзельнікамі пікету супраць будаўніцтва Астравецкай АЭС.
Як паведамляе праваабарончы цэнтр "Вясна", затрыманых 25 красавіка Ягора Яромчанку, Алену Вітко, Сяргея Слюсара, Ігара Багачыка аштрафавалі на 15 базавых велічынь (425 тысяч рублёў), Аляксандра Бугаёва — на 20 базавых велічынь.
Нагадаем, увечары 25 красавіка ў раёне станцыі метро "Фрунзенская" былі затрыманыя 12 чалавек, якія ўдзельнічалі ў пікеце супраць будаўніцтва АЭС у Беларусі, у тым ліку грамадзяне Нямеччыны. У дачыненні да замежнікаў будзе прымацца рашэнне аб магчымасці іх далейшага знаходжання ў Беларусі.
