Уга Чавес паспеў сабраць на сваіх рахунках мільярд долараў
Пра гэта паведамляе сайт Celebrity Net Worth, які спецыялізуецца на пошуку звестак пра багацце вядомых людзей ва ўсім свеце.
Пішучы пра мільярд долараў Чавеса і яго сваякоў, інтэрнэт-рэсурс спасылаецца на даклад 2010 года адной з амерыканскіх фірмаў, якая займаецца ацэнкамі рызыкаў і аналізам глабальнай сітуацыі. У ім гаворыцца, што венесуэльскі прэзідэнт здабыў грошы ад продажу нафты.
Згадваючы пра гэта, многія выданні прыгадваюць цытаты з прамоваў Уга Чавеса, які казаў, што быць заможным кепска, нават бесчалавечна.
Чавес памёр на 59-м годзе жыцця, яго пахаванне прызначанае на пятніцу.
