Уладзіміру Някляеву прысудзілі прэмію шведскага ПЭН-клуба
Яна складае 150 тысяч крон.
Прэмію Тухольскага шведскі ПЭН-клуб уручае з 1985 года. Сярод яе лаўрэатаў ёсць, напрыклад, такі пісьменнік, як Салман Рушдзі.
Прэмію Някляеву прысудзілі не толькі як пісьменніку, але і як змагару за правы чалавека, паведамляе belaruslitteratur.blogspot.com.
Цырымонія ўручэння прызначаная на сённяшні вечар. Аднак сам Някляеў на ўручэнні прэміі прысутнічаць не будзе, бо яму забаронена выязджаць з краіны. Аднак на цырымоніі будуць прысутнічаць два беларускія пісьменнікі — кіраўнік беларускага ПЭН-цэнтру Андрэй Хадановіч і Святлана Алексіевіч.
