Загінуў вядомы расійскі актор Андрэй Панін (відэа)
Прычынай смерці называюць няшчасны выпадак.
Пра гэта паведамляе РБК са спасылкай на маскоўскую міліцыю. Цела 50-гадовага актора знайшлі раніцай 7 сакавіка ў яго ўласнай кватэры ў Маскве. Верагодна, ён зваліўся і стукнуўся галавой.
Панін стаў вядомы ролямі ў крымінальных серыялах "Каменская", "Марш Турэцкага" і "Брыгада". Таксама ён граў у такіх фільмах, як "Вяселле" Паўла Лунгіна, "Пяшчотны ўзрост" Сяргея Салаўёва, "Кіроўца для Веры" Паўла Чухрая, "Стомленыя сонцам 2" Мікіты Міхалкова.
Фота — ria.ru
