Reuters: польскага "Форта Трампа" ля мяжы з Беларуссю не будзе

Агенцтва Reuters называе тры прычыны правалу плана па стварэнні пастаяннай ваеннай базы США ў Польшчы.

Па-першае бакі не змаглі дамовіцца аб тым, хто будзе фінансаваць размяшчэнне і падтрымку базы — гаворка ішла пра два мільярды долараў. Па-другое ЗША не падабалася ідэя і жаданне палякаў ўсталяваць ваенную базу на ўсходзе краіны — ля межаў з Беларуссю.

Трэцяя прычына — адмова ад прадастаўлення імунітэту амерыканскім салдатам. Вашынгтон патрабаваў, каб іх вайскоўцы былі абаронены асаблівым статусам — і не павінны несці адказнасць перад польскімі ўладамі за злачынствы, учыненыя на польскай тэрыторыі.

У цяперашні час каля 4,5 тысяч салдат ЗША знаходзяцца ў Польшчы. Рашэнне аб іх знаходжанні прыняў папярэдні прэзідэнт ЗША — Барак Абама.