Рэвалюцыя ці эвалюцыя: якім шляхам рухацца — эфір з Грыцуком

Супрацьстаянне беларускага грамадства з Лукашэнкам і яго рэжымам цягнецца ледзь не з самага прыходу “галоўнага змагара з карупцыяй” да ўлады. За амаль 30 гадоў панавання Лукашэнка пабудаваў сістэму дзяржаўнага кіравання, якая трымаецца выключна на рэпрэсіях, карупцыі і гандлі нацыянальнымі інтарэсамі Беларусі. І тое, што апаненты рэжыму цягам усіх гэтых дзесяцігоддзяў не могуць паразумецца паміж сабой, толькі ўмацоўвае панаванне Лукашэнкі.

Ці была магчымасць у рэжыму пайсці эвалюцыйным шляхам і што ці хто гэтаму перашкодзіў? Што не давала паразумецца лідарам дэмакратычных сіл? Як магчыма дабіцца змен у краіне і ці гатовыя беларусы да сілавога сцэнара змены ўлады? На гэтыя ды іншыя пытанні ў эфіры Еўрарадыё адказвае грамадскі дзеяч і былы дэпутат Першамайскага раённага Савета народных дэпутатаў Мінска ад партыі “Беларускі народны фронт” Валерый Грыцук.