Рубінаў: Еўрасаюз не гатовы да канструктыўнай супрацы з Беларуссю
З такой заявай 2 кастрычніка выступіў на адкрыцці трэцяй сесіі Савета Рэспублікі Нацыянальнага сходу спікер верхняй палаты парламента Анатоль Рубінаў.
Па словах Рубінава, якія перадае БелаПАН, чарговыя рэзалюцыі Парламенцкай асамблеяй АБСЕ, Парламенцкай асамблеяй Савета Еўропы па Беларусі перанасычныя наборам ідэалагізаваных штампаў і ў чарговы раз прадэманстравалі "негатовасць Еўрапейскага саюза пераходзіць на канструктыўныя пазіцыі ў дачыненні да Беларусі".
Па-ранейшаму, кажа ён, дзейнічаюць зневажальныя для цывілізаванага свету санкцыі ў дачыненні да Беларусі.
"Дый дзеянні асобных расійскіх бізнэсменаў, палітыкаў ад бізнэсу лішні раз дэманструюць, як няпроста нам адстойваць свае эканамічныя інтарэсы", — дадаў старшыня Савета Рэспублікі.
