СБУ затрымала аднаго з расійскіх ідэолагаў, які апраўдваў развязванне вайны
Затрыманы Дзмітрый Чысцілін / СБУ
У Малдове Служба бяспекі Украіны разам з мясцовымі праваахоўнікамі затрымала ідэолага вайны Расіі супраць Украіны Дзмітрыя Чысціліна. Яго вінавацяць у дзяржаўнай здрадзе і ў апраўданні вайны, паведамляе прэс-служба СБУ.
Чысцілін спрабаваў вярнуцца ў Маскву праз "трэція" краіны. У Малдову ён прыехаў на адзін з прарасійскіх форумаў.
СБУ ўдакладняе, што Чысцілін — гэта памочнік Сяргея Глазьева, экс-дарадцы Уладзіміра Пуціна. Глазьеў быў адным з галоўных арганізатараў захопу Крыма, Данецкай і Луганскай абласцей. Таксама ён распрацоўваў "стратэгію інфармацыйнай вайны" па апраўданні поўнамаштабнага ўварвання Расіі ва Украіну.
Чысілін у 2016-2024 гадах падрыхтаваў шэраг "аналітычных матэрыялаў", у якіх падтрымліваў расійскую агрэсію і "інтэграцыю" часова акупаваных раёнаў Украіны ў склад Расіі.
Дарэчы, у Чысціліна — украінскае грамадзянства. Але краіну ён пакінуў яшчэ да пачатку поўнамаштабнай агрэсіі.
