Сенатар ЗША заклікаў да поўнай рэалізацыі санкцый супраць беларускіх уладаў
Амерыканскі сенатар Крыс Мёрфі заклікаў да поўнай рэалізацыі санкцый супраць беларускіх уладаў.
На яго думку, новы "пакет санкцый мусіць быць падрыхтаваным зараз, на выпадак, калі безразважнасць і рэпрэсіі з боку Лукашэнкі павялічацца".
Пры гэтым, ЗША і еўрапейскія краіны павінны інвеставаць больш у незалежныя медыя такіх краін, як Беларусь і Украіна. Зараз сенатар працуе над тым, каб больш сродкаў выдзялялася і на барацьбу з прапагандай.
Нагадаем, у траўні Мёрфі разам з амерыканскімі сенатарамі Жаннай Шахін і Робам Портманам наведалі Літву і Украіну. У Літве адбылася сустрэча дэлегацыі са Святланай Ціханоўскай. Яны абмеркавалі стан правоў чалавека ў Беларусі, а таксама інцыдэнт з авіялайнерам і затрыманне журналіста Рамана Пратасевіча.
