Што атрымаецца, калі сумясціць фолк-метал і аркестр?

Упершыню на камерную сцэну вялікай залы Белдзяржфілармоніі разам выйдуць музыканты фолк-метал гурта Znich і ўдзельнікі фальклорнага ансамбля Rutvica. Такога выканання старажытных беларускіх абрадавых песень вы яшчэ не чулі!

Як нарадзілася ідэя сумясціць фолк-метал і традыцыйнае выкананне фальклору ў адной праграме? Чаму менавіта абрадавыя песні былі абраныя для гэтага супольнага праекта? Ці падыходзіць камерная зала Белдзяржфілармоніі для прэзентацыі новага альбома метал-гурта Znich? Ці атрымаецца такім чынам зацікавіць нефармальную моладзь беларускім фальклорам?

На гэтыя ды іншыя пытанні ў жывым эфіры Еўрарадыё адказалі лідар гурта Znich Алесь Таболіч, клавішніца Марына Макарэвіч і музычны прадзюсар Марыя Луцьянава.