Сілавікі затрымлівалі людзей, якія гулялі па цэнтры Мінска
Сілавікі ў Мінску / Еўрарадыё
Сілавікі 31 студзеня змагаліся не толькі з актыўнасцю ў дварах, але і ў цэнтры Мінска. Хоць на праспекце Незалежнасці ніякія акцыі не планаваліся, міліцыя затрымлівала там проста людзей, якія гулялі.
Затрыманні адбываліся каля выхаду з метро "Кастрычніцкая", каля будынка КДБ, на вуліцы Інтэрнацыянальнай. Аб прычынах не паведамлялася.
Акрамя таго, 31 студзеня ў Мінску была затрыманая швейцарская журналістка Лузія Чыркі. Паведамлялася аб тым, што яна працуе ў Беларусі афіцыйна — з акрэдытацыяй МЗС.
Спісы затрыманых рэгулярна абнаўляюць у тэлеграм-канале "Списки Окрестина".
The arrests of peaceful protesters in Belarus are ongoing. On the video, you can see two men without uniform leading two Belarusians towards a van. The arrested will be put in prisons and most likely tortured. pic.twitter.com/EVUp96poYx
— Franak Viačorka (@franakviacorka) January 31, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
