Смерць і разбурэнні": як цяпер выглядае ўкраінскі Ваўчанск
Цяперашні Ваўчанск / @libkos
Фатографы Канстанцін і Улада Ліберавы апублікавалі фота маштабных разбурэнняў у горадзе Ваўчанск Харкаўскай вобласці, які ўслед за Бахмутам і Аўдзееўкай спрабуюць сцерці з твару зямлі расійскія войскі.
"Дзе "рускі свет" — там смерць і разруха", — каментуе ўбачанае журналіст Павел Бутусаў.
На фота бачныя разбураныя будынкі, над якімі ўздымаецца дым. Відавочцы сцвярджаюць, што горад падвяргаецца беспрэцэдэнтным абстрэлам і разбурэнням, якіх не было нават на пачатку ўварвання агрэсара ў 2022 годзе.
Украінская паліцыя кажа, што акупанты выкарыстоўваюць у Ваўчанску тактыку выпаленай зямлі, скідаючы больш за 20 кіраваных авіябомбаў (КАБ) у дзень.
Пры гэтым працягваецца эвакуацыя з Ваўчанска. Кожны дзень валанцёры і паліцыя вывозяць грамадзянскіх і жывёлін.
Па дадзеных брытанскага Інстытута вывучэння вайны, Расія, верагодна, выбрала захоп Ваўчанска як адну з ключавых тактычных мэт першай фазы наступальнай аперацыі на поўначы Харкаўшчыны, паколькі горад з'яўляецца найбуйнейшым населеным пунктам непасрэдна на мяжы.
Захоп горада забяспечыў бы акупантам плацдарм, блізкі да расійскага тылу, для падрыхтоўкі і пачатку другой фазы наступальнай аперацыі РФ. Аднак пакуль невядома, ці будзе другая фаза наступальнай аперацыі на поўначы Харкаўшчыны прыярытэтнай мэтай Расіі.
Захоп горада забяспечыў бы акупантам плацдарм, блізкі да расійскага тылу, для падрыхтоўкі і пачатку другой фазы наступальнай аперацыі РФ. Аднак пакуль невядома, ці будзе другая фаза наступальнай аперацыі на поўначы Харкаўшчыны прыярытэтнай мэтай Расіі.
