Спаборніцтвы па біятлоне "Снежны снайпер" праходзяць без снегу і лыж

У студзені ў некаторых раёнах Беларусі спаборніцтвы па біятлоне "Снежны снайпер" праходзяць без снегу і лыж. Напрыклад, такая сітуацыя ў Смаргоні ў Гродзенскай вобласці. 16 студзеня юныя біятланісты проста бегаюць без лыж і страляюць. Прычым спаборніцтвы расцягнулі на два дні.

У Жыткавічах на Гомельшчыне снег быў, але, як піша раённая газета, "надвор'е замяніла лыжныя гонкі на бегавую дыстанцыю". Дзеці бегалі два кругі па 400 метраў з адным агнявым рубяжом на пяць мішэняў. За промах на стральбе атрымлівалі яшчэ 50 метраў штрафу.

"Снежны снайпер" — рэспубліканскія спаборніцтвы. Іх праводзіць прэзідэнцкі спартовы клуб.