Справу былога старшыні Іўеўскага райвыканкама неўзабаве перададуць у суд
У ёй — больш за 20 эпізодаў злачыннай дзейнасці былога чыноўніка.
Завершанае расследаванне крымінальнай справы, распачатай у адносінах былога старшыні Іўеўскага райвыканкама, інфармуе прэс-служба Следчага камітэта. Яе ўжо перадалі пракурору для накіравання ў суд.
Нагадаем, кіраўніка Іўеўскага райвыканкама затрымалі ў чэрвені мінулага года. Крымінальную справу распачала Генпракуратура па матэрыялах галоўнага ўпраўлення па барацьбе з арганізаванай злачыннасцю і карупцыяй МУС Беларусі. Высветлілася, што ў 2012-2014 гадах чыноўнік даваў прадпрыемствам раёна незаконныя ўказанні, для асабістых патрэбаў выкарыстоўвалася тэхніка, праца работнікаў на будаўніцтве дома старшыні райвыканкама. Ён дапамагаў сваім знаёмым атрымліваць зямельныя ўчасткі і набываць сельскагаспадарчую тэхніку па заніжаных коштах (яе выкарыстоўваў і сам чыноўнік).
Таксама кіраўнік раёна загадаў незаконна падключыць свой дом да раённай электрасеткі і абсталяваць на прысядзібным участку штучны вадаём.
Яго дзеянні кваліфікаваныя па артыкуле "Перавышэнне ўлады і службовых паўнамоцтваў". Вядомыя больш за 20 эпізодаў злачыннай дзейнасці былога чыноўніка. Абвінавачаны прызнаў сваю віну і ўжо кампенсаваў страты — больш за 200 млн рублёў. Ён па-ранейшаму знаходзіцца пад вартай.
Фота: Fotolia