Спрэчкі па справе топ-мэнэджараў Белгазпрамбанка пачнуцца 21 чэрвеня
Ператрус у штабе Віктара Бабарыкі / Еўрарадыё
Спрэчкі па справе топ-мэнэджараў Белгазпрамбанка пачнуцца 21 чэрвеня ў судзе Маскоўскага раёна Мінска. Гэта заключная стадыя працэсу. Мяркуецца, што спрэчкі працягнуцца некалькі дзён.
Віктар Бабарыка працягвае верыць, што справядлівае рашэнне суда магчыма, паведамляе яго афіцыйны тэлеграм-канал.
— ...усё ж мая наіўнасць - не глупства. І самы горшы варыянт я таксама разгледзеў. Вялікі тэрмін у калоніі не самы трагічны варыянт. Тым больш што цяпер там збіраюцца не самыя дрэнныя людзі, — кажа Віктар Бабарыка.
Віктар Бабарыка ўжо больш за год знаходзіцца ў зняволенні. Ён быў затрыманы разам са сваім сынам Эдуардам 18 чэрвеня 2020 года.
