Стала вядома, калі ў Беларусі пачнуць прадаваць навагоднія ялінкі

Сёлета ёлачныя кірмашы ў Мінску пачнуць працу 16 снежня, паведамляе інфармагенцтва "Мінск-Навіны".

Галоўны ёлачны кірмаш размесціцца па адрасе вуліца Баграціёна, 70. Ён будзе працаваць з 10:00 да 20:00 па 31 снежня без выходных і перапынкаў. Там можна будзе купіць не толькі ялінкі, але і хвоі, дрэвы ў кадках і навагоднія букеты.

Ад 16 снежня пачнуць працу ёлачныя кірмашы і ў Віцебску. Віцябляне змогуць купіць сабе навагоднія дрэвы каля Полацкага, Смаленскага, Паўднёвага рынкаў, а таксама ў шэрагу іншых раёнаў горада. Рынкі будуць працаваць з 8:00 да 20:00.

У Брэсце гандаль ялінкамі пачнецца 17 снежня. Іх можна будзе купіць каля ўваходу на рынкі, на плошчы Леніна і ў іншых раёнах з 10:00 да 21:00.