Стала вядома, з кім згуляюць беларускія валейбалісты на чэмпіянаце Еўропы

Стала вядома, з кім згуляюць беларускія валейбалісты на чэмпіянаце Еўропы 2019 года. Паводле лёсавання, якое ў сераду прайшло ў Бруселі, мужчынская зборная нашай краіны трапіла ў групу "С". Яе сапернікі — зборныя Македоніі, Фінляндыі, Расіі, Славеніі і Турцыі.

Кантынентальнае першынство пройдзе 12-29 верасня ў чатырох краінах — у Бельгіі, Галандыі, Славеніі і Францыі. Зборная Беларусі свае матчы правядзе ў Славеніі.