Сталі вядомыя падрабязнасці гібелі 5-гадовага хлопчыка ў Гомелі
Сталі вядомыя падрабязнасці аўтааварыі ў Гомелі, калі загінуў пяцігадовы хлопчык. Як распавядала Еўрарадыё, пасля сваркі з жонкай 29-гадовы гамяльчук у п'яным выглядзе сеў за руль аўтамабіля "Івека". Паведамлялася, што ён наехаў на 35-гадовую жонку і 5-гадовага сына. Хлопчык загінуў на месцы, жонка трапіла ў лякарню з чэрапна-мазгавой траўмай.
Паводле інфармацыі сайта gomel.today, трагедыя адбылася 30 чэрвеня, у прыватным сектары ў Навабеліцкім раёне па вуліцы Герцэна. Мужчына пасля сямейна сваркі выганяў з двара грузавік, але не справіўся з кіраваннем. Машына пратараніла плот і браму. Ад удару металічная бэлька звалілася на пяцігадовае дзіця, ад чаго хлопчык загінуў.
Міліцыя паведаміла, што мужчыну затрымалі. На яго пачалі крымінальную справу па двух падазрэннях — забойства і замах на забойства.
