Сталі вядомыя вынікі лёсавання 1/4 фіналу футбольнай Лігі чэмпіёнаў

Сталі вядомыя вынікі лёсавання 1/4 фіналу футбольнай Лігі чэмпіёнаў, якое прайшло ў Ньёне 18 сакавіка. "Чэлсі" згуляе з "Рэалам", а "Бенфіка" — з "Ліверпулем", "Манчэстар Сіці" сустрэнецца з "Атлетыка", а "Вільярэал" — з "Баварыяй".

Першыя матчы запланаваныя на 5-6 красавіка, другія — на 12-13 красавіка.

У паўфінале пераможца пары "МанСіці" — "Атлетыка" сустрэнецца з пераможцам пары "Чэлсі" — "Рэал", а пераможца пары "Вільярэал" — "Баварыя" — з пераможцам пары "Бенфіка" — "Ліверпуль". Так вырашыла лёсаванне.

Дзейны пераможца Лігі чэмпіёнаў — "Чэлсі".