Страйкі ў Нямеччыне пашкодзілі міжнароднаму чыгуначнаму руху

Папераджальныя страйкі сур’ёзна пашкодзілі чыгуначнаму злучэньню ў Нямеччыне.  Страйкуюць чыгуначнікі ў Дортмундзе, Франкфурце-на-Майне, Растоку, Эрфурце і Гальбэрштаце. Пратэсты закранулі і міжнароднае чыгуначнае злучэнне сістэмы цягнікоў Еўрасіці.

Папераджальныя страйкі працягнуцца цэлы тыдзень. Прафесійныя звязы дамагаюцца падвышкі заробкаў на 7%, а нямецкая чыгунка прапануе толькі 2% падвышку ў год цягам двух бліжэйшых гадоў.