Турэцкі суд адмяніў забарону на Twitter
Яна была ўведзена па ініцыятыве прэм'ер-міністра Эрдагана на мінулым тыдні.
У сацыяльных сетках Эрдагана неаднаразова абвінавачвалі ў карупцыі, а некаторы час таму на партале YouTube з'явіўся запіс тэлефоннай размовы, у якім палітык і яго сын абмяркоўваюць, як пазбавіцца ад буйных сум грошай, інфармуе ВВС.
Рашэнне кіраўніка ўрада заблакаваць Twitter падвергнулася крытыцы ў турэцкім грамадстве. Супраць яго выступіў нават аднапартыец Эрдагана, прэзідэнт Турцыі Абдула Гюль, які асабіста напісаў твіт аб непрымальнасці блакавання сацыяльнай сеткі.
