Турэцкі журналіст трапіў у турму за абдрукоўку ў Twitter
Ондэр Айтак вырашыў пракаментаваць навіну пра планы прэм'ер-міністра Турцыі Рэджэпа Таіпа Эрдагана па закрыцці прыватных школ.
Журналіст, пішучы пра гэта ў твітары, выпадкова дадаў у канец слова адну літару. У выніку слова "ustam", што ў перакладзе азначае "мой начальнік", пераўтварылася ў нецэнзурнае. Айтак сцвярджае, што гэта была простая абдрукоўка і ў яго не было намеру ганьбіць прэм'ера. Аднак законы Турцыі прыраўніваюць знявагу дзяржаўных службовых асобаў да злачынстваў.
Суд улічыў той факт, што апазіцыйны журналіст не першы раз трапляе ў падобныя сітуацыі, інфармуе РІА "Новости".
Фота — AFP