Турыстам у Беларусі прапануюць жыць у партызанскіх зямлянках

Турысты ў Беларусі могуць пажыць у партызанскіх зямлянках у Налібоцкай пушчы.

Арэнда цэлага турыстычнага комплексу "Партызанскі рух Налібоцкай пушчы" будзе каштаваць 1000 рублёў за суткі, паведамляе прэс-служба Міністэрства лясной гаспадаркі.

У комплекс уваходзяць некалькі зямлянак, партызанская сталовая, а таксама вялікая пляцоўка з вогнішчам і сцэнай, дзе можна "праводзіць культурна-масавыя мерапрыемствы".

Гэтае месца, як заявіў начальнік аддзела паляўнічай гаспадаркі Мінлясгаса Аляксандр Казарэз, выдатна пасуе для гістарычных рэканструкцый і тэматычных мерапрыемстваў: "Антураж дазваляе цалкам заглыбіцца ў ваенную тэматыку".