Туск сказаў, што можа даказаць дачыннасць Беларусі да міграцыйнага крызісу.
Премьер-министр Польши Дональд Туск / Władysław Kosiniak-Kamysz, Donald Tusk i Tomasz Siemoniak/Artur Reszko /PAP
Премьер-міністр Польшчы Дональд Туск распавёў, што атрымаў доказы датычнасці Беларусі і Расіі да наплыву нерэгулярных мігрантаў на польска-беларускую мяжу, паведамляе польскае СМІ RMF24.
"Сёння я атрымаў паведамленне, якое пацвярджае, прынамсі, арганізацыйнае і палітычнае пакрыццё з боку адміністрацыі прэзідэнта Лукашэнкі. Мы ведаем пра ўдзел Расіі. Такім чынам, мы сапраўды маем справу з дзяржаўнай машынай і машынай кантрабанды", — сказаў Туск, наведваючы 22 сакавіка польска-беларускую мяжу.
Ён дадаў, што Польшча працягвае мадэрнізацыю мяжы. Краіна ўжо выдаткавала 2,7 мільярда злотых (прыблізна 567 мільёнаў еўра) на яе ўмацаванне мяжы і плануе завяршыць працы ўжо гэтым летам.
З пачатку года польскія памежнікі прадухілілі больш за 2,2 тыс. спробаў незаконнага перасячэння польска-беларускай мяжы.
