У Антарктыдзе знайшлі “практычна ядомы” стогадовы пірог (фота)

У Антарктыдзе ў невялікім будынку на мысе Адэр знайшлі “практычна ядомы” стогадовы пірог. Ён быў выраблены кампаніяй Huntley & Palmers, ляжаў у бляшанай скрынцы, загорнуты ў паперу. Нягледзячы на тое, што скрынка знаходзіцца ў кепскім стане, сам пірог выглядае добра. Мяркуецца, што ён трапіў на кантынент разам з брытанскай экспедыцыяй у 1910-1913 гадах. Роберт Скот і яго каманда дасягнулі полюса, але на зваротным шляху загінулі, піша сайт nzaht.org.