У Аўстраліі злавілі змяю, у якой тры вокі (фота)

У Аўстраліі паляўнічы злавіў змяю, у якой тры вокі. Ён натрапіў на яе на шашы ў 40 кіламетрах ад горада Дарвін. Змяя мае невялікі ўзрост, яе даўжыня складае 40 сантыметраў. Навукоўцы мяркуюць, што змяя добра бачыць усімі вачамі. Трэцяе вока верагодна ўтварылася ў выніку эмбрыянальнай мутацыі, інфармуе ў Facebook Служба паркаў і дзікай прыроды Паўночнай тэрыторыі Аўстраліі. Яе спецыялісты назвалі змяю Монці Пайтан.