У Беларусі аднавіўся фестываль кароткаметражных стужак "Кіназмена" (Kinosmena)

У Беларусі пасля сямі гадоў адсутнасці аднавіўся фестываль кароткаметражных стужак "Кіназмена" (Kinosmena), заўважыў тг-канал "Свяшчэнны Белавуд".  

Падзея апошні раз адбылася восенню 2019 года, а потым пачаліся эпідэмія кавіду, палітычны крызіс і вайна. Цяпер арганізатары адчулі ў сабе імпэт працягнуць працу. Раней фестываль арганізоўвалі бацька і сын Асмалоўскія. Ці змяніліся арганізатары фестывалю — невядома.

Ісці "Кіnosmena" будзе тры дні. У конкурсе заяўленыя тры праграмы — міжнародны конкурс, анімацыйны і нацыянальны. Сам фэст адбудзецца з 23 па 25 верасня у адным кінатэатраў SilverScreen.

Ахвочыя могуць падаваць заяўкі на ўдзел. На міжнародную праграму дэдлайн абазначаны на 1 верасня, на Нацыянальную праграму — на 10 верасня. Пры гэтым стваральнікі кажуць, што атрымалі ўжо 1150 працаў з 90 краін свету.