У Беларусі мінімальны заробак праіндэксуюць за лістапад на 5,4%
У Беларусі мінімальны заробак праіндэксуюць за лістапад 2016-га на 5,4% (менавіта такая ж лічба была і ў папярэднім месяцы). Справа ў тым, што індэкс спажывецкіх коштаў за лістапад не перавысіў пяціадсоткавую мяжу да месяца папярэдняй індэксацыі (чэрвеня 2016 года). У мінулым месяцы памер месячнай мінімальнай зарплаты склаў 239 рублёў 42 капейкі, паведамляе прэс-служба Міністэрства працы і сацыяльнай абароны.
Тэлеканал АНТ адзначае, што мінімальны заробак з'яўляецца дзяржаўным мінімальным сацыяльным стандартам у галіне аплаты працы. Гэта самая нізкая мяжа аплаты працы работнікаў. Яна забяспечвае іх сацыяльную абарону ў аплаце працы.
