У Беларусі павялічылі ліміт страхавой кампенсацыі пры ДТЗ без выкліку ДАІ

Як распавялі ў МУС, ліміт павялічаны да 150 базавых велічыняў ці 6,3 тысяч рублёў.

Да гэтага часу гэты ліміт складаў 800 еўра (каля 2870 рублёў).

Пры афармленні ДТЗ з дапамогай Еўрапратакола кіроўцам не трэба чакаць прыезду супрацоўнікаў ДАІ. Пры гэтым страхоўшчык выплачвае пацярпеламу страхавую кампенсацыю на падставе Еўрапратакола, а віноўнік не прыцягваецца да адміністрацыйнай адказнасці.

У адпаведнасці з правіламі дарожнага руху вадзіцелі могуць не паведамляць у ДАІ аб ДТЗ, калі ў выніку здарэння няма пацярпелых, у аварыі ўдзельнічаюць толькі два аўтамабілі, абодва кіроўцы маюць дзейныя правы і страхоўку, не прад'яўляюць адзін да аднаго прэтэнзій, а таксама калі ўрон транспартнаму сродку не перавышае ліміту па еўрапратаколу.