У Беларусі яшчэ існуе адна апазіцыйная партыя
"Зачыстка" партыйнага поля / pixabay.com
У Беларусі яшчэ існуе адна апазіцыйная партыя — "Справядлівы свет". Яна пазначана ў спісе зарэгістраваных партый на сайце Мінюста (астатнія чатыры — праўладныя). Аднак Беларускай партыі левых "Справядлівы свет" таксама пагражае ліквідацыя. 26 верасня Вярхоўны суд Беларусі разгледзіць скаргу на адмову Мінюста ў перарэгістрацыі.
"Зачыстка" партыйнага поля ў Беларусі працягваецца на працягу 2023 года. Ліквідаваныя АГП, КХП-БНФ, Партыя БНФ, Беларуская партыя "Зялёныя", Беларуская сацыял-дэмакратычная Грамада, Беларуская сацыял-дэмакратычная партыя (Грамада). Ліквідавалі і шэраг праўладных партый, якія аказаліся непатрэбныя рэжыму Аляксандра Лукашэнкі ў новай сітуацыі. Міністр юстыцыі Сяргей Хаменка яшчэ ў лютым 2023-га "прадбачыў", што "колькасць партый зменшыцца да 3-4".
Беларускую партыю левых "Справядлівы свет" узначальвае Сяргей Калякін. Летам ён казаў, што партыя не хоча самаліквідоўвацца і паспрабуе перарэгістравацца. Аднак Мінюст яе не перарэгістраваў.
