У Беларусі зарэгістравалі 181 выпадак шаленства ў дзікіх і хатніх жывёл
Вожык / pixabay.com
У Беларусі ў студзені-жніўні 2023-га зарэгістравалі 181 выпадак шаленства ў дзікіх і хатніх жывёл. Найчасцей шаленствам захворваюць лісіцы і вожыкі, паведамляе minsknews.by
Эпідэміёлагі нагадваюць, што заражэнне чалавека адбываецца пры ўкусе, трапленні сліны на скуру і слізістыя абалонкі вачэй, носа, рота. Калі ўкусіла беспрытульная сабака, трэба прамыць рану вадой з мылам, апрацаваць перакісам вадароду і абавязкова звярнуцца ў медустанову. Дзікія жывёлы, інфіцыраваныя вірусам шаленства, звычайна не баяцца людзей.
