У Беларусі збіраюцца завочна судзіць пяць каліноўцаў

У Беларусі збіраюцца завочна судзіць пяць каліноўцаў — Арцёма Бігеля, Вячаслава Граноўскага, Ігнація Кірэева, Анастасію Махамет і Яна Мельнікава. Пра распачатую "спецвытворчасць" паведамляе ў аўторак Следчы камітэт.

Удзельнікаў палка Каліноўскага, які ва Украіне ваюе супраць расійскіх акупантаў, у РБ абвінавачваюць па шматлікіх артыкулах крымінальнага кодэксу, у тым ліку "акт тэрарызму" і "арганізацыя дзейнасці тэрарыстычнай арганізацыі". СК сцвярджае, што яны аб'яднаныя ідэяй "далейшага ўварвання ў Рэспубліку Беларусь для ініцыявання ўзброеных сутыкненняў з праваахоўнымі органамі і ўзброенымі сіламі нашай краіны, гвалтоўнага змянення канстытуцыйнага ладу, захопу дзяржаўнай улады злачынным шляхам".

А МУС РБ пагражае каліноўцам новымі крымінальнымі справамі.