У Беларусі здымаюць чарговы фільм-агітку — гэтым разам пра дзяржсімвалы
![На здымачнай пляцоўцы](/sites/default/files/styles/gallery_main/public/2024-06/k.jpg.webp?itok=pvSGmT7P)
На здымачнай пляцоўцы / @minkultrb
"Беларусьфільм" прыступіў да здымак чарговага прапагандысцкага фільма. У Міністэрстве культуры кажуць, што гэта будзе "моладзевы фільм пра дзяржаўныя сімвалы Беларусі пад працоўнай назвай "Культурны код". Рэжысёр-пастаноўшчык стужкі — Кірыл Халецкі, яму 23 гады. Раней ён зняў карціну "Кіношнікі". У гэтай яго працы будуць выкарыстаныя "прыёмы гульнявога і дакументальнага кіно", кажуць у Мінкульце і просяць мінчанаў не палохацца, калі на вуліцах да іх падыдуць з камерай і пытаннем "як пачынаецца дзяржаўны гімн Беларусі?".
Сюжэтная лінія ў фільма таксама будзе. Галоўныя героі — студэнты-дыпломнікі акадэміі мастацтваў, выдатніца і троечнік — атрымалі заданне зняць фільм пра дзяржсімвалы. Акрамя інтэрв'ю з мінакамі, аўтары карціны вырашылі адправіць іх у музей і на акцыю "Праспяваем гімн разам!". Але ў чым інтрыга ўсёй гэтай гісторыі і ці ёсць яна, у Мінкульце пакуль не расказалі. Абяцаюць паказаць, што атрымалася, у верасні. На пачатак восені запланаваная прэм'ера.
Нагадаем, у апошнія гады "Беларусьфільм" пачаў спецыялізавацца на вытворчасці прапагандысцкіх фільмаў. Сярод іх фільм пра дактароў "Ліст чакання", карціна "На другім беразе" — версія чыноўнікаў пра жыццё ў Заходняй Беларусі ў міжваенны перыяд, стужка пра вайну "Час вярнуцца". У планах кнастудыі таксама зняць фільмы пра Аляксея Талая і "гераізм сілавікоў" у 2020-м годзе.
![В Беларуси снимают очередной фильм-агитку — на сей раз про госсимволы](/sites/default/files/styles/default_image_paragraph/public/paragraphs/image/k2_1.jpg.webp?itok=ONDUhJFd)
![В Беларуси снимают очередной фильм-агитку — на сей раз про госсимволы](/sites/default/files/styles/default_image_paragraph/public/paragraphs/image/kino_2.jpg.webp?itok=uH1uUmEu)
![В Беларуси снимают очередной фильм-агитку — на сей раз про госсимволы](/sites/default/files/styles/default_image_paragraph/public/paragraphs/image/kino_4.jpg.webp?itok=uDpeEoxf)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.