У Беларусі зноў забараняюць наведваць лясы

З-за гарачага надвор'я МНС уводзіць абмежаванне на наведванне лясоў у 67 раёнах Беларусі. Абмежаванні не тычацца пакуль толькі лясоў у Брэсцкай вобласці.

У Віцебскай вобласці забаронена наведваць лясы ва ўсіх раёнах, акрамя Браслаўскага.

У Мінскай вобласці абмежаванні пакуль не датычацца Мядзельскага, Лагойскага і Копыльскага раёнаў. А ў Крупскім і Бярэзінскім раёнах лясы наведваць забаронена.

Амаль палова лясоў у Гомельскай вобласці абмежавана для наведвання. Ісці ў лес можна толькі ў Жыткавіцкім, Лельчыцкім, Мазырскім, Ельскім, Рагачоўскім, Веткаўскім, Добрушскім, Лоеўскім, Рэчыцкім і Гомельскім раёнах.

Па Гродзенскай вобласці абмежаванні закранулі Астравецкі, Ашмянскі і Смаргонскі, Воранаўскі,  Лідскі, Ваўкавыскі, Зэльвенскі, Свіслацкі раёны і раён Вялікай Бераставіцы. 

У лік забароненых да наведвання лясоў у Магілёўскай вобласці трапілі Круглоўскі, Бялыніцкі, Шклоўскі, Магілёўскі, Быхаўскі, Слаўгарадскі, Чаускі і Чэрыкаўскі раёны.