У Брэсце ў ДТЗ трапіла маршрутка з пасажырамі
Маршрутка з пасажырамі трапіла ў ДТЗ у Брэсце, інфармуе БЕЛТА са спасылкай на абласную Дзяржаўтаінспекцыю.
Аўтааварыя адбылася каля поўдня 28 жніўня на вуліцы Гарадской. Кіроўца аўтамабіля "Рэно" прапускаў рэйсавы аўтобус, які ад'язджаў ад прыпынку. Аўтамабіль прыпыніўся, і ў гэты момант ззаду ў яго ўрэзалася маршрутка. Ад удару маршрутку адкінула на сустрэчную паласу, дзе яна сутыкнулася з іншым аўтамабілем "Рэно".
Паводле папярэдняй інфармацыі, у маршрутцы былі пяць чалавек.
